Môreson Grondverskuiwers Robertson
Grondverskuiwing Masjien Operateur Internskap

MôRESON GRONDVERSKUIWERS, ‘N TOONAANGEWENDE GRONDVERSKUIWINGS MAATSKAPPY NOOI PERSONE (VERKIESLIK TUSSEN DIE OUDERDOM VAN 23 EN 33 JAAR) WAT OOR ‘n GRAAD 10 KWALIFIKASIE BESKIK EN WOONAGTIG IS IN ROBERTSON OM AANSOEK TE DOEN VIR ‘N GRONDVERSKUIWING MASJIEN OPERATEUR INTERNSKAP.

Die Internskap, wat gelykstaande is aan ’n “NQF 2” kwalifikasie, sal aan die suksesvolle deelnemer die geleentheid bied om gespesialiseerde blootstelling te kry op die werking van Grondverskuiwingmasjiene. By suksesvolle voltooiing van die Internskap, sal die deelnemer ’n goeie begrip hê van die teorie verbonde aan die hantering en basiese onderhoud van Grondverskuiwingmasjiene sowel as die praktiese vaardighede om met sodanige masjiene te kan werk.

VOORNEMENDE APPLIKANTE MOET AAN DIE VOLGENDE MINIMUM TOELATINGS VEREISTES VOLDOEN EN DIE AANSOEK PROSEDURES NOUGESET NAKOM

• Aansoekers moet ‘n geldige gesertifiseerde afskrif van hul Graad 10 sertifikaat indien.

• Aansoekers moet ‘n aanbeveling of getuigskrif van ‘n kerk, skool, opleidingsinstansie of vorige werkgewer voorsien.

• Aansoekers moet ‘n geldige gesertifiseerde afskrif van hul ID dokument, bewys van adres en bank rekening verskaf.

• Aansoekers wat geselekteer word vir die aanvanklike kortlys, moet bereid wees om ’n reeks van assesering en keuring toetse te ondergaan wat onder andere ‘n onderhoud, syfer en geletterdheids toetse insluit. Na afloop van hierdie keuring sal Kandidate geselekteer word vir die finale kortlys.

• Kandidate wat gekeur word vir die finale kortlys moet goeie gesondheid geniet en mediese & dwelm toetse slaag ten in aanmerking te kom vir verdere keuring.

• Dit is ‘n spesifieke keurings vereiste dat Kandidate wat gekeur word vir deelname aan die Internskap bereid moet wees om vir lang tydperke weg van die huis af te slaap.

• Kandidate wat gekeur word om aan die Internskap deel te neem, moet aanvaar dat hul aan die elemente van die natuur blootgestel sal word.

• Kandidate wat gekeur word vir deelname aan die Internskap moet bereid wees om as deel van die opleiding proses op verskillende terreine te werk.

• Kandidate wat vir die Internskap kwalifiseer, moet bereid wees om die Internskap kontrak te onderteken.

• Die aanvang van die Internskap is in Augustus 2024 en die tydsduur by suksesvolle voltooiing is ongeveer 16 weke.

• Kandidate wat gekeur word vir deelname aan die Internskap, moet bereid en in staat wees om deurlopende formele teoretiese en praktiese asseserings te ondergaan.

• Kandidate wat nie ‘n assesering slaag nie, sal nie toegelaat word om voort te gaan met die Internskap nie.

• Kandidate wat gekeur word vir die Internskap sal kwalifiseer vir ’n stipendium wat maandeliks betaal sal word. Sodanige bedrag is nie ‘n salaris of ‘n loon nie en is nie bedoel om ‘n huishouding te ondersteun nie.

• Kandidate wat die Internskap susksesvol aflê, sal nie outomaties kwalifiseer vir ’n permanente aanstelling by Môreson Grondverskuiwers nie en kan nie aandring op sodanige permanente aanstelling nie.

• Aansoeke sluit om 17:00 op 26 Julie 2024. Geen laat en/of onvolledige aansoeke sal oorweeg word nie.

• Aansoekvorms kan by Môreson Grondverskuiwers se kantore op die hoek van Kerk en Industria Straat in Robertson afgehaal word.• Aansoeke vir toelating kan per e-pos na hr@moresongrond.co.za gestuur word of per hand afgelewer word by Môreson Grondverskuiwers se kantore.